ગાંડી ગીર
થોડા વર્ષો પહેલા હું મારી શાળાના બાળકોને લઇને ‘હિંગોળગઢ’ નેચર અજ્યુકેશન કેમ્પમાં ગયેલો, ત્રણ દિવસના શિડ્યુલમાં એક દિવસ અમારી શાળાની સાથે જુનાગઢ જિલ્લાની કોઇ શાળા હતી. રાત્રે કેમ્પ ફાયરમાં એ બાળકો પાસે એક લોકગીત સાંભળ્યું હતું..... ગીર કેડી વાંકી, મારે માલ જાવું હાંકી, સિપાયું દે છે ડારા, તમે નિકળો ગીર બારાં... એ લોકગીતનો લય,તાલ,ભાવ અને સાથે એના શબ્દોની પાછળ છુપાયેલો ભય,વતન છુટી જવાની વેદના,ભલે દરેક ઋતુમાં પારવાર તકલીફો હોય પણ બહારથી આવેલાં કોઇના ડરના લીધે ‘ગીર’ છોડવું પડશે એનો જુરાપો અને રડ્યા ખડ્યા માનવીની વ્યથાકથા દરેક શબ્દમાંથી ટપકતી હતી, ઉપરાંત જે રીતે એ બધાંએ સાથે મળીન...
